Zuzenbide publikoko korporazioa da; 1929ko abenduaren 27ko Errege Dekretu bidez sortu zen eta 1930eko uztailaren 16ko Errege Agindu batek mugatu zuen bere eremua.
Elkargoaren gaur eguneko lege esparrua, 1978ko Espainiako Konstituziotik eta ondorengo 1997ko liberalizaziotik eratorritakoa, honakoek osatzen dute: batetik, apirilaren 5eko 327/2002 Errege Dekretu bidez onartutako arkitektoen elkargo ofizialen estatutu orokorrek eta beren kontseilu gorenak eta, bestetik, Euskal Herriko Arkitektoen Elkargo Ofizialaren estatutu bereziak, elkargo horren ezohiko batzar nagusiak 2003ko martxoaren 14an onartutakoak.
